HISTORIA LIBRI GENESIS

CAPUT CIX: De Gad

#Gen. XLIX

Gad accinctus, vel latrunculus praeliabitur ante eum, et ipse accingetur retrorsum. Gad, cum Ruben, et dimidia tribu Manasse, relictis uxoribus et liberis ultra Jordanem in finibus suis, armatus praecessit Israel in terra; pro conditione accepta a Josue, ut rediret in terram, quam occupaverat, scilicet post quatuordecim annos, primus revertens, praelium vicinarum gentium adversus suos, quod reliquerat invenit, et fortiter dimicans hostes stravit.